ميمي جمال تتحدث لأول مرة عن الخلاف بين هند صبري ومها نصار

وقالت ميمي: أنا مشوفتش المشكلة لكن سمعت إيه اللي حصل في اليوم اللي بعده، واللي أقدر أقوله إن هند صبري مخضرمة عارفة قواعد الشغلانة ماعتقدش إني ممكن يحصل منها غلط كبير، إنما الممثلة الثانية لسه جديدة عايزة تثبت نفسها فحبت تزود شيء كلها حاجات بسيطة.

وأشارت ميمي الى أن: السوشيال ميديا ضخمت الموضوع بشكل كبير، اتقال اتخانقوا وشدوا شعر بعض حواديت مشوفتهاش أنا كنت بشتغل مع هند والنهارده بشتغل مع مها ومفيش أي مشكلة.

مها نصار توجّه رسالة شديدة اللهجة لهند صبري

كانت مها نصار قد وجَّهت عبر حسابها الخاص في فيسبوك، رسالة حادة لهند صبري حيث كتبت قائلةً: أنا ممكن أسامحك على سواد قلبك، وغيرتك وحقدك لأن دا يخصّك لوحدك، لكن تتطاولي عليا وتردحيلي قدّام الناس وتحاولي طول الوقت تقلّي مني وتكسريني وتقلّي أدبك عليا مستحيل أسامحك عليه أبداً مهما كانت النتيجة.

وأضافت: مع العلم إني اشتكيت لكل الناس وبقالي أكثر من شهرين ساكتة والكل عمل نفسه مش واخد باله، أنا مليش في كلمة كل عيش، واعمل نفسك مش واخد بالك، لأن العيش من غير كرامة قلّة قيمة، يا ريت يا هند تبطّلي تعملي عليا حملات أنا وهدى الإتربي، لأن هدى مش طرف في المشكلة.

يشارك في عدد من النجوم يأتي في مقدمتهم ومعها أحمد خالد صالح وخالد سليم ومحمد أنور ومها نصار وهدى الإتربي ومحمد علي رزق ورياض الخولي وأحمد الشامي وكريم قاسم وميمي جمال وعدد من ضيوف الشرف، وتأليف عمرو الدالي ومن إخراج حسين المنباوي.