عمرو مصطفى يكشف كواليس الصلح مع عمرو دياب وينهار بالبكاء فيديو

حلّ المطرب والملحن عمرو مصطفى، ضيفاً على برنامج ضيفي الذي يقدمه الإعلامي معتز الدمرداش على قناة الشرق الإخبارية، حيث أعلن في الجزء الثاني من الحلقة، مفاجأة يكشف عنها للمرة الأولى في حياته، مؤكدّا عدم دراسته للموسيقى، وأن سبب تميزه التلحيني هو موهبته ومشاعره.

وتحدث عن فترة خصامه مع الهضبة عمرو دياب، لينفجر باكيًا خلال الحديث عن تصالحه معه، إضافة الى حديثه عن زوجته.

قال عمرو مصطفى: أنا مش دارس موسيقى، ومعرفش السلم الموسيقي ولا النوتات ولا المقامات الموسيقية ولا الهوا، اللي بيشغلني مشاعري، واللي يعرف تشغله مشاعره يوريني، وأنا مبسوط ومش عايز أتعلم، واللي يعرف يعمل زيي يعمل.

وأوضح أنه كان السبب الرئيسي في عمل عدد من أشهر الموزعين مع الهضبة ، قائلًا: أنا وعمرو دياب من أول ما دخلنا المزيكا ناقر ونقير، ولما بقوله يمين من قلبي والله ويعمل هو حاجة تانية، هو دماغه كده، ومعظم الموزعين اللي تعاونوا مع عمرو دياب كنت أنا سبب في وجودهم معاه.

عمرو مصطفى: زوجتي رزق من الله

كما تطرق عمرو مصطفى للحديث عن زوجته، قائلًا: مراتي لازم يتعملها تمثال، وأنا هعملها تمثال في البيت الجديد، لأن هي دي بعد أمي الله يرحمها هي اللي شكلت عمرو مصطفى واللي كانت بتوقفني، دي كل حياتي معاها، وولادنا بيدرسوا في لندن وهي أم مثالية ودي من الرزق اللي ربنا إداهوني، وأنا أول ما شفتها قلتلها هتجوزك وبعد أسبوعين كان الفرح، كانت جدعة أوي ولما رحت أطلب إيديها قعدت مع خالها لأن والدها متوفى، ودفعت المهر لخالها وأنا ماشي رجعتهولي وعرفت من وقتها إن دي مراتي.

وعن تصالحه مع عمرو دياب، بعد الخلافات التي نشبت بينهما خلال السنوات الماضية، قال عمرو مصطفى إنه بعدما تعرض لأزمة صحية كبيرة خلال الفترة الماضية أدرك وقتها أنه لا قيمة للخلافات وتصالح مع الهضبة، معربًا عن حبه الكبير له وتقديره لعلاقة الصداقة والأخوة التي تجمعهما.

وبكى عمرو مصطفى، خلال حديثه، وقال: من كتر حبي في عمرو دياب، حصل اللي حصل،