سام برس فيلم الست ام كلثوم وحش وضلمة وتشوية لرمز مصر

بقلم/ عبد الرحمن الأبنودى
بصراحة كده ومن غير تحامل ولا مجاملة وبدون اي مواربة .. بعد ما شفت فيلم الست إمبارح تركت لنفسي مهلة النهاردة علشان اكون رأي شخصي كمشاهد مصري عادي من غير ما أكون دارس قواعد النقد الفني ولا أصوله ..
الفيلم من أوله لأخره ضلمة في ضلمة مش عارف تشوف الشخصيات كويس ولا حتي تسمع صوتهم بوضوح وأعتقد إن ده مقصود الفيلم ده اقل فيلم مثلت فيه مني ذكي صوتها كان وحش وبرضه طريقة كلامها بتطجن في الكلام ..
الفيلم جاب سيرة الست ام كلثوم ومكنش عن سيرتها زي ماقالوا انت جبت احسن مخرج واحسن مؤلف وأحسن ممثلة كلهم مصريين علشان تهدم تمثال رمز لمصر وللمصريين ..
الفيلم عبارة عن أسكتشات ركيكة وغير مفيدة وغير مشوقة ..الفيلم ده من أسوء ما رأيت من أفلام وخسارة تضيع وقتك في رؤيته ولا الكلام عنه.. وشفت كل الناس طالعة بتقول كم أنتي عظيمة يا صابرين..وكم انتي عظيمة يا سومة...وكل الحب للكاتب العظيم محفوظ عبد الرحمن وللمخرجة العظيمة أنعام محمد علي.. ولا عزاء لكل من يلهث وراء المال.
نقلاً من صفحة الكاتب في منصة أكس