شقيقة أحمد حلمي تثير الجدل بكلامها عن فيلم حدوته
18 مشاهدة
أثارت سالي شقيقة الفنان أحمد حلمي جدلًا واسعًا عبر منصات التواصل الاجتماعي خلال الساعات القليلة الماضية، بعدما زعمت أنّ قصة فيلمه الجديد حدوتة تستحق أنّ تُدرس، كونها تحمل رسائل مُهمة للمُعلمين والطلاب على حدٍّ سواء.ويأتي ذلك مع حالة النجاح الجماهيرية الضخمة التي حققها فيلم أحمد حلمي الجديد طوال الـ3 أيام الماضية، حيث يحظى بإقبالٍ ضخم، الأمر الذي انعكس على وجوده في مقدمة الأفلام المنافسة في صالات السينما، مُحققًا في شباك التذاكر المصري 24 مليون جنيه، مقابل مبيعات تجاوزت 140 ألف تذكرة.
وكتبت سالي حلمي عبر صفحتها على فيس بوك: بحكم دراستي وشغلي في علم النفس والمراهقة والطفولة، اللي بقالي فيها 30 سنة، ده فيلم يتدرس!.. الفيلم حقيقي يتدرس، لأنه من أرض واقع كتير من الأطفال، كل لقطة فيه وراها دروس كتير. وتابعت: حقيقي فيلم محتاج كلام كتير علشان تديله حقه.. كلماتي في البوست ده مش مجرد تحليل لفيلم سينمائي، ده وقوف علي أرض الواقع، لأن ده والله مش مجرد فيلم... دي رسالة لكل أم وأب والاسم بيربوا... رسالة للناس اللي بتوجع وتجرح بس.. رسالة لمُعلمين كتير جوة مدارس والاسم بيعلموا.. رسالة لأطفال كتير.. ممكن يحولوا أي طفل من إنسان عادي لإنسان مليان خوف ووجع.
واستكملت شقيقة أحمد حلمي رسالتها بقولها: الفيلم رسالة لمجتمع كامل.. رسالة كل واحد فينا لنفسه.. حقيقي فيلم يتدرس، متابعة: ما تحكمش على كلامي دلوقتي، علشان ما تحسش إني شهادتي مش حقيقية عن الفيلم.. استنى لما تشوفه، إن شاء الله لو حتى بعد سنة، ساعتها هتفهم معنى الفيلم ومعنى كلامي. وأضافت: قلبي فرحان بأحمد، وبنجاح فيلمه الجديد.. أخويا الكبير، وأنا بفرح لما أسمع عنه كل جميل، وقلبي بيفرح لما بشوفه ناجح يوم ورا يوم، ولما بشوف حب الناس ليه.. ربنا يا حبيبي يذيدك من فضله.. شكرًا من قلبي على الفيلم الجميل ده.. حقيقي أنا بحبك وفخورة بيك
يُجسد حلمي خلال الأحداث شخصية رجل خارج عن القانون في الأربعينيات من عمره، تجبره الظروف على الدخول في مأزق
ارسال الخبر الى: