رامي إمام يكشف موقف والده عادل إمام بعد مشاجرتهم على المسرح فيديو

قال رامي إمام خلال الحلقة: وأنا بعمل مسرحية بودي جارد مع والدي، اتخانقنا كان أول تعاون فني بيننا، ودي كانت أول مرة نتخانق، وعرفنا يعني إيه يبقى فيه اتنين في بيت واحد ممثل ومخرج، كنت 25 سنة وقتها.

وأضاف: كان عليا مسؤولية كبيرة، كنت قليل الخبرة ومتوتر، وبخرج مسرحية لعادل إمام، وعايزه ينفذ رؤيتي، يعني تخيل عادل إمام بتاريخه الكبير، أنا زعقت وقولت له تعمل اللي بقوله ورميت الاسكريبت.

رامي إمام: فوجئت برد فعل عادل إمام في المنزل

وتابع: بعدها لقيت ثورة عارمة من ومكنتش مستوعب وقتها اللي عملته، هو لغى البروفة، ورجع على البيت، ولما روحت لقيت أمي مستنياني على الباب، بتقولي أنت عملت له إيه هو عايزك جوه، لما دخلت له وشوفته لقيت زعيق هستيري وبعدها فيه هدوء غريب.