تعاون متجدد ليلى علوي تتحدث عن تجربتها الجديدة مع بيومي فؤاد

وأشارت ليلى خلال اللقاء الى أن هذا الفيلم مختلف عن الأفلام التي تعاونت فيها مع بيومي فؤاد من قبل.

وقالت عن التجربة: المختلف إنها محامية متخصصة بقضايا المرأة وإنها ممكن تتطوع كمحامية عشان تجيب حق الزوجة والأولاد لأنها مهتمة بالقضية كامرأة.

وأضافت: التحدي مش في الشخصية لأنها حلوة ولذيذة وإنما لكونها محامية قوية، وأعتقد التحدي هيكون في إزاي الجمهور هيشوف مشاهد مش هيتوقعها.

بيومي فؤاد: لست قلقاً من تكرار التجربة مع ليلى علوي

ومن جانبه، تحدث بيومي فؤاد عن تكرار التجربة مع ليلى علوي، قائلاً: أنا مش قلقان من التكرار، والجديد إننا مش بنعمل قصص زي بعض، حتى لو بنعمل جزء تاني لكن بيكون فيه اختلاف، حتى لو اشتغلنا بنفس المخرج والكاست والكرو لكن القصة تانية خالص.

وتابع: ركّزت في كل التفاصيل وتخيلت شكل رشدي قدر الإمكان وتحدثت مع المخرج هشام فتحي بشأن الشكل وتخيلنا كيف سيصبح شكلي مختلفاً وذاكرت حتى أفهم فكرة كيف أتمكن من إيقاع السيدات في حبي رغم تقدّمي في العمر.

وعن تفاصيل دوره، قال بيومي فؤاد: أنا مش شايف رشدي رجل أعمال ولكن شخص حصل على ميراث وأضاعه على نزواته وزيجاته حتى حدثت مفاجآت سنراها في الفيلم.