يسرا اللوزي تتحدث في فيديو عن تحولها إلى أم أكثر هدوءا بعد فترات من العصبية مع ابنتيها
حلّت الفنانة، ضيفة على برنامج كلمة أخيرة الذي يقدمه الإعلامي أحمد سالم، على قناة ONE، حيث تحدثت عن علاقتها بابنتيها وكيف تتعامل معهما، مشيرة الى أنها أصبحت أمًّا هادئة بعد انجاب .قالت يسرا اللوزي: بحاول أعلمهم إزاي يحسوا بيا، بحاول أوريهم ضعفي يشوفوني وأنا بعيط ومنهارة وتعبانة من التصوير ومش قادرة أقوم علشان بقالي يومين صاحية. بدأوا مؤخرًا يفهموا إنهم يدوني مساحة، لأن في وش تاني بيظهر غصب عنك، الوش ده فيه زعيق كتير.. الواحد لما يكون مش نايم ومتوتر ما بيكونش أحسن نسخة من نفسه وأنا مش عاوزة أوريهم النسخة دي فبقرر أني أبعد.
وأضافت يسرا اللوزي: زمان مكانش عندي الخبرة دي، زمان كان غصب عني ممكن أتعصب ومش عاوزة يجيلهم تروما، أنا بفضل أستحمل وبعدين أفرقع، فرقعت قدامهم مرتين واتخضوا فاتكلمت مع الدكتورة بتاعتي قالت لي قبل ما توصلي المرحلة دي ابعدي، وارجعي لهم علشان يكون عندهم ذكريات كويسة.
يسرا اللوزي: هذا الجيل لديه وعي أكثر بكثير من الأجيال السابقة
وأشارت يسرا اللوزي الى أن هذا الجيل لديه وعي أكثر بكثير من الأجيال السابقة، قائلة: الجيل ده عنده وعي أكتر من جيلنا وإحنا صغيرين، الجيل ده بياخد باله من تفاصيل كتير، دلوقتي بنخاف نحور على العيال إحنا كنا بنصدق أي حاجة بتتقال.
وأكملت: أنا بحاول أعلم بناتي إزاي نعمل توازن في حياتنا، إزاي يشوفوا قدامهم حد مهتم بشغله وبيعمل حاجة بيحبها، وفي نفس الوقت بيقسم وقته ما بين الشغل والعيلة، وأنا بعمل ده، علشان يتعملوا أنه لازم يعملوا حاجة بيحبوها.
ارسال الخبر الى: