حلمي عبد الباقي يكسر صمته ويكشف أسرار خلافه مع مصطفى كامل فيديو

في تصاعد سريع لأزمة نقابة الموسيقيين، خرج الفنان عن صمته ووجّه رسالة قاسية الى الفنان نقيب الموسيقيين، بعد تداول مقطع صوتي منسوب للأخير تضمن إساءة الى عبد الباقي.

وقال حلمي عبد الباقي في فيديو نشره عبر حسابه الشخصي في فيسبوك، إنه طوال سنوات خدمته في النقابة لم يقصّر يوماً مع أي عضو، موضحاً: عايز أسأل الجمعية العمومية كلها، هل في يوم قصّرت مع حد؟ أيام النقيب السابق هاني شاكر كنت ماسك لجنة الخدمات، وأيام كورونا كنت بنزل أسلّم الجوابات للناس عند بيوتها، وعملت بروتوكولات مع المستشفيات لخدمة الأعضاء ومقصرتش مع حد أبداً.

وأضاف عبد الباقي أن أي اعتراض على خدمته للأعضاء هو في رأيه محاولة لزعزعة أركان النقابة، مؤكداً: أي حد بيعترض على حاجة يبقى بيزايد وبيتآمر... فيه ناس عايزة تهدّ النقابة.

حلمي عبد الباقي: فوجئت بإهانتي في تسجيل صوتي ولن أترك حقي

وعلّق حلمي عبد الباقي على التسجيل الصوتي المسيء إليه، قائلاً: فوجئت بتسجيل صوتي بتهان فيه وبتشتم بكلام جارح وصعب يتقال على حلمي عبد الباقي، لأني كنت واقف معاك في الانتخابات ولفّيت بيك مصر كلها، لكن ناس دخلت ودنك وقالولك إن حلمي بيخدم الناس عشان عايز يبقى نقيب، وإنت للأسف صدّقت.

وأضاف متأثراً: أنا راجل محترم وليا أسرة محترمة وزوجة وأولاد... لما يسمعوا الكلام ده على أبوهم المحترم هيقولوا إيه؟، واختتم حديثه قائلاً: أنا مش هسيب حقي... لو سيبته أموت أحسن، والأيام الجاية هي اللي هتبيّن الحقيقة.